Conas is féidir liom a rá cé acu atá táirge comhlíontach?

Agus tú i mbun siopadóireachta le haghaidh raidió nó táirgí leictreacha/leictreonacha, seo roinnt leideanna éasca le fáil cé acu atá táirge comhlíontach.

1. Seiceáil an lipéadú

   Ba cheart an fhaisnéis seo a leanas a lipéadú ar gach táirge:

   1. Eolas faoin monaróir (ainm agus seoladh poist, déanamh agus samhail an chineáil táirge).

   2. Ba cheart an mharcáil CE (féach thíos) a ghreamú go feiceálach, go soléite agus go doscriosta den trealamh raidió nó dá phláta sonraí, mura bhfuil sé sin indéanta nó mura bhfuil údar leis mar gheall ar nádúr an trealaimh raidió.

2. Seiceáil le haghaidh doiciméadú riachtanach

   Ní mór treoracha agus faisnéis sábháilteachta i mBéarla a chur in éineacht le gach táirge.

Áireofar sna treoracha an fhaisnéis is gá chun an táirge a úsáid i gcomhréir leis an úsáid atá beartaithe dó.

Ní mór cóip den dearbhú comhréireachta AE nó dearbhú simplithe comhréireachta a bheith ag gabháil le gach táirge.



I gcás ina soláthraítear dearbhú comhréireachta AE simplithe, ní mór an seoladh idirlín cruinn a bheith ann inar féidir téacs iomlán dhearbhú comhréireachta an AE a fháil.

Áireofar an fhaisnéis seo a leanas freisin ar an dearbhú comhréireachta i gcás táirgí a astaíonn raidióthonnta d’aon ghnó:

1. Banda(í) minicíochta ina n-oibríonn an trealamh raidió;

2. Uaschumhacht raidió-minicíochta a tharchuirtear sa bhanda(í) minicíochta ina n-oibríonn an trealamh raidió.

Ar ais go dtí an Barr

Cad iad na táirgí atá clúdaithe?

Táirgí Raidió: is trealamh leictreach nó leictreonach iad a astaíonn nó a fhaigheann tonnta raidió d’aon ghnó chun críche cumarsáide raidió. Baineann na Rialacháin um Threalamh Raidió (Rialacháin RE) le gach trealamh leictreach nó leictreonach ina bhfuil comhéadan raidió nuair nach féidir é a bhaint go héasca (mar shampla feidhmiúlacht Bluetooth i gcainteoir gan sreang).

Táirgí Leictreacha/Leictreonacha: is féidir le trealamh leictreach nó leictreonach astuithe leictreamaighnéadacha a ghiniúint a d’fhéadfadh cur isteach ar threalamh eile freisin. Ba cheart go mbeadh leibhéal iomchuí díolúine ag trealamh den sórt sin freisin (mar shampla insliú cáblaí) ó shuaitheadh leictreamaighnéadach i gcomhréir leis na Rialacháin um Chomhoiriúnacht Leictreamaighnéadach (Rialacháin EMC).

Trealamh Comhcheangailte: i gcás ina bhfuil trealamh raidió ionchorpraithe ar bhealach seasta buan sa táirge neamh-raidió, ní mór don táirge iomlán ina iomláine cloí leis na Rialacháin RE (toisc go measfar gur “trealamh raidió” an táirge iomlán).

Is sampla de threalamh raidió comhcheangailte den sórt sin meaisín níocháin le comhéadan wifi. Ní mó do mheaisín níocháin den sórt sin ní hamháin ceanglais sábháilteachta na Rialachán LV a chomhlíonadh, ach ní mór dó freisin, ina theannta sin, ceanglais riachtanacha eile na Rialachán RE a chomhlíonadh.

Ar ais go dtí an Barr

Cad is Dearbhú Comhréireachta ann?

Ba cheart do mhonaróirí dearbhú comhréireachta AE a cheapadh chun an fhaisnéis is gá faoin RED a chur ar fáil maidir le comhréireacht trealaimh raidió le ceanglais na Treorach agus le reachtaíocht ábhartha eile an Aontais maidir le comhchuibhiú. Is tábhachtach go n-áiritheoidh Monaróirí go bhfuil cóip de dhearbhú comhréireachta an AE, nó dearbhú comhréireachta simplithe de chuid an AE, ag gabháil le gach cuid de threalamh raidió. Cuirfear dearbhú comhréireachta an AE ar fáil ar an dóigh seo a leanas:

1. Trealamh raidió (táirge, cineál, baisc nó sraithuimhir):
2. Ainm agus seoladh an mhonaróra nó a ionadaí údaraithe:
3. Is faoi fhreagracht an mhonaróra amháin a eisítear an dearbhú comhréireachta seo.
4. Cuspóir an dearbhaithe (an trealamh raidió a shainaithint lena gceadaítear inrianaitheacht; féadfaidh sé íomhá daite a bheidh soiléir go leor a chur san áireamh nuair is gá chun an trealamh raidió a shainaithint):
5. Tá cuspóir an dearbhaithe a thuairiscítear thuas i gcomhréir le reachtaíocht ábhartha an Aontais maidir le comhchuibhiú: Treoir 2014/53/AE Reachtaíocht eile um chomhchuibhiú de chuid an Aontais i gcás inarb infheidhme
6. Tagairtí do na caighdeáin chomhchuibhithe ábhartha a úsáidtear nó tagairtí do na sonraíochtaí teicniúla eile a ndearbhaítear comhréireacht i ndáil leo. Ní mór tagairtí a liostú lena n-uimhir aitheantais agus a leagan agus, i gcás inarb infheidhme, dáta eisiúna:
7. I gcás inarb infheidhme, an comhlacht dá dtugtar fógra … (ainm, uimhir) … … (tuairisc ar an idirghabháil) … agus d’eisigh sé an deimhniú ar scrúdú de chineáil an AE:…
8. I gcás inarb infheidhme, tuairisc ar ghabhálais agus ar chomhpháirteanna, lena n-áirítear bogearraí, a ligeann don trealamh raidió oibriú mar atá beartaithe agus atá clúdaithe ag dearbhú comhréireachta an AE:
9. Eolas breise: Arna shíniú ar son agus thar ceann: … (áit agus dáta eisiúna): (ainm, feidhm) (síniú).

Ar ais go dtí an Barr

Cad é ról ComReg?

Is é ComReg an tÚdarás Faireachais Margaidh ainmnithe in Éirinn atá freagrach as a chinntiú go gcomhlíonann trealamh raidió a dhíoltar in Éirinn rialacháin shonracha agus caighdeáin chomhchuibhithe. Is é cuspóir ComReg a chinntiú go ndéantar táirgí áirithe ar Mhargadh na hÉireann ar bhunchaighdeán agus nach gcuireann siad Úsáideoirí Deiridh agus oibrithe i mbaol.

Ar ais go dtí an Barr

Déan teagmháil le ComReg faoi Shábháilteacht Táirgí

Is féidir leat teagmháil a dhéanamh le ComReg maidir le haon fhiosrúchán atá agat faoi shábháilteacht táirgí productsafety@comreg.ie nó faoinár ngníomhaíochtaí faireachais margaidh ag productsafety@comreg.ie.

Ar ais go dtí an Barr

Dearbhú Comhréireachta Simplithe an AE (Iarscríbhinn VII RED)

Féadfaidh “DEARBHÚ COMHRÉIREACHTA Simplithe an AE” a bheith ag gabháil leis an táirge freisin Cuirfear dearbhú comhréireachta simplithe an AE, dá dtagraítear in Airteagal 10(9) den RED, ar fáil mar a leanas:

Leis seo, dearbhaíonn [Ainm an mhonaróra] go bhfuil an cineál trealaimh raidió [sonraíocht an chineáil trealaimh raidió] ag comhlíonadh Threoir 2014/53/AE.

Tá téacs iomlán dhearbhú comhréireachta an AE ar fáil ag an seoladh idirlín seo a leanas: xxxxx

Ar ais go dtí an Barr