Renu, Anailísí Sonraí TF
D'oibrigh mé ar roinnt príomhthionscadal timpeall na heagraíochta agus táim an-bhródúil astu.
Renu, Anailísí Sonraí TF
Rannóg na Seirbhísí Corparáideacha
Oibrím ar an bhfoireann TF mar Anailísí Sonraí sa Rannóg Seirbhísí Corparáideacha. Tá céim sa Ríomhaireacht agam agus tá níos mó ná 15 bliain de thaithí agam i dtionscail mar teileachumarsáid, díolacháin agus baincéireacht.
Tá an fhoireann TF mar chuid de rannóg níos leithne ina bhfuil na foirne Airgeadais, Acmhainní Daonna agus Gnóthaí Poiblí. Is rannóg ildisciplíneach agus comhoibríoch muid, agus is é an sprioc atá againn ná tacú leis an eagraíocht agus feidhmíocht agus éifeachtúlacht na heagraíochta a fheabhsú.
Príomhfhócas de mo ról is ea cleachtaí mapála sonraí a threorú chun riachtanais ghnó a thuiscint. Déanaim raon tuarascálacha agus deais a bhainistiú ar fud na rannóige, a chuidíonn le bainisteoirí anailís a dhéanamh ar shonraí agus cinntí a dhéanamh. Is tairbheach liom mo ról, agus is maith liom an dóigh a mbailítear sonraí ó fhoinsí éagsúla agus an gá atá le sonraí a thuiscint, agus is maith liom a bheith ag cuidiú le húsáideoirí tuiscint a fháil ar an dóigh ar féidir leo sonraí a léirmhíniú ar bhealaí éagsúla agus úsáid a bhaint as uirlisí chun cabhrú leo teacht ar chonclúid. Bhí deis agam a bheith páirteach i bpríomhthionscadail airgeadais straitéiseacha agus is ball gníomhach mé den Choiste um Rialachas Sonraí.
Tacaíonn ComReg le fostaithe trí spreagach a thabhairt dóibh chun iad féin a fheabhsú go leanúnach agus bhí deis agam mo shaineolas teicniúil a fhorbairt agus mo chuid freagrachtaí a mhéadú.
D’oibrigh mé ar roinnt príomhthionscadal timpeall na heagraíochta agus táim an-bhródúil astu.
Tá cultúr an-oscailte ag ComReg agus fáiltíonn sé roimh chách, agus tá meas ar thuairimí agus ar smaointe gach duine. Tá mo chomhghleacaithe cairdiúil agus bíonn deiseanna sóisialta rialta ann a chuidíonn le gach duine ceangal a dhéanamh. Faighim go bhfuil dearcadh iontach ag ComReg i leith na cothromaíochta oibre-saoil agus tuigeann m’fhoireann agus mo bhainisteoir riachtanais a chéile. De bharr sceidil sholúbtha, agus oiliúint agus forbairt ghairmiúil is áit iontach oibre é ComReg. Mholfainn go mór é.