Karen, Anailísí Teileachumarsáide

Tá mé i m’Anailísí Teileachumarsáide, ag obair i Rannóg Creata an Mhargaidh ó 2000 i leith. Tá cúlra agam san eolaíocht fheidhmeach agus i dtaighde cumarsáide gan sreang. Thosaigh mé le ComReg mar innealtóir raidió agus chuaigh mé ar aghaidh chuig forbairt straitéise agus comhordú taighde. 

Baineann an ról s’agam ó lá go lá le bainistíocht tionscadail, cumarsáid a dhéanamh le páirtithe leasmhara, comhordú agus cathaoirleacht ar chruinnithe, chomh maith le taighde agus forbairt beartais. Tá an fhoireann uimhrithe beag, ach tacaímid lena chéile agus comhoibrímid go maith. Is mór againn smaointe nua, agus oibrímid le chéile chun rudaí a chur i gcrích. 

Is é an rud is mó a thaitníonn liom agus a thugann sásamh dom ná an deis a bheith agam a bheith ag foghlaim gach lá agus a bheith ag obair le comhghleacaithe cuiditheacha. 

Tá go leor deiseanna foghlama agus forbartha ann.  D’oibrigh mé i réimsí éagsúla le 20 bliain anuas agus tá taithí náisiúnta agus idirnáisiúnta faighte agam. 

Thug obair ar fhoirneildisciplíneacha léargas dom ar réimsí agus dearcthaí éagsúla.  I’Tá scileanna faighte agam, ó obair foirne agus chumarsáid, go scileanna anailíse agus bainistíochta tionscadail. Is í an ghné is dúshlánaí de mo ról ná tosaíocht a thabhairt do thascanna tábhachtacha nuair a bhíonn go leor spriocdhátaí ag druidim linn.  Ba dheis iontach é mo rannpháirtíocht i ngrúpa oibre Eorpach chun saincheisteanna speictrim a chur chun cinn le comhghleacaithe idirnáisiúnta. 

Tacaíonn ComReg lena fhostaithe trí fhorbairt ghairmiúil leanúnach a spreagadh agus tá go leor deiseanna foghlama agus forbartha ann chun cabhrú leis seo. 

Tá clár folláine againn atá ábhartha agus a thugann tacaíocht iontach. Tá solúbthacht mo chuid oibre an-tábhachtach domsa freisin. Cothaíonn ComReg cultúr spreagtha agus comhoibrithe ina gcuirtear luach ar obair foirne agus ar chomhoibriú. Mholfainn go láidir a bheith ag obair le ComReg mar tá go leor deiseanna ann d’fhorbairt phearsanta agus ghairmiúil, agus ar a bheith ag obair ar thionscadail spéisiúla le comhghleacaithe oilte.