Ihab, Innealtóir

Is Innealtóir Tástála Minicíocht Raidió mé i Rannóga Creata an Mhargaidh agus chuaigh mé isteach in 2017. Tá céim san Innealtóireacht agus máistreacht i mbainistíocht innealtóireachta agam. 

Tá ár Rannóg freagrach as speictream raidió na hÉireann, as bainistiú Scéim Uimhrithe Náisiúnta na hÉireann, agus tuairiscímid ar theipeanna líonra na n-oibreoirí. Tá m’fhoireann oscailte, gairmiúil, solúbtha agus tá taithí aici, mar fhoireann. Déanaimid teagmháil leis an margadh agus le rannpháirtithe chun tacaíocht a sholáthar agus cinntímid go bhfuil nascacht iontaofa ag an tsochaí agus gur féidir léi rochtain a fháil ar sheirbhísí slána ardchaighdeáin. 

Bíonn éagsúlacht ag baint le mo ról ó lá go lá agus is féidir doiciméid a dhréachtú, taighde a dhéanamh, faisnéis a bhailiú. Is príomhinniúlachtaí atá ag teastáil i mo ról iad aird a bheith agat ar mhionsonraí agus scileanna anailíse a bheith agat freisin. 

Caithfidh gurb í an ghné is luachmhaire de mo ról ná an dóigh a n-oibrímid ar mhaithe leis an tsochaí. 

Bíonn dúshláin ag baint lena bheith ag obair i dtionscal a bhíonn de shíor ag forbairt lena teicneolaíochtai agus feidhmeanna nua, ach bíonn deiseanna foghlama ann dá bharr. Chuidigh ComReg liom forbairt a dhéanamh trí oiliúint agus cúnamh oideachais a sholáthar, mar aon le haiseolas cuiditheach agus treoir ó mo bhainisteoirí agus mo chomhghleacaithe sinsearacha. Chomh maith leis na scileanna teicniúla atá faighte agam, tugadh tacaíocht dom mo chuid scileanna boga a fhorbairt mar chumarsáid, réiteach fadhbanna agus pleanáil. 

Is timpeallacht thacúil dhearfach é ComReg, a chuimsíonn tionscnaimh folláine, tacaíocht oideachais, oiliúint, agus cóitseáil nó meantóireacht. Moltar freisin solúbthacht agus cothromaíocht mhaith oibre/saoil a bheith agat. 

Tá cultúr comhoibrithe ag ComReg, agus tá timpeallacht oibre dhearfach agus shábháilte aige, inar féidir le daoine oibriú agus a bheith leo féin. 

Is áit iontach é ComReg le bheith ag obair ann mar gheall ar an gcultúr oibre ina mbíonn gach duine cairdiúil agus measúil. Is breá liom an tacaíocht forbartha, éagsúlacht na n-eagraíochtaí agus na dtionscadal, agus an deis atá agam dul chun cinn agus fás i mo ghairm bheatha.