Scor 3G

Tá soláthróirí seirbhísí móibíleacha ag cur deireadh lena líonraí 3G de réir a chéile agus leanfaidh siad ar aghaidh leis seo sna míonna agus sna blianta amach romhainn. Tabharfaidh sé seo deis do sholáthraithe díriú ar na teicneolaíochtaí níos nuaí, 4G agus 5G a leathnú.   

Uasdátú is Deireanaí 

Tá Vodafone tosaithe ar chodanna dá líonra 3G a mhúchadh agus tá sé beartaithe acu seirbhísí 3G a scor go hiomlán in 2024. 

Úsáideann Clear Mobile agus An Post líonra Vodafone, mar sin ciallaíonn sé seo go mbeidh seirbhísí 3G dá gcuid custaiméirí scortha freisin. 

• Is féidir tuilleadh eolais do chustaiméirí Vodafone agus Clear Mobile a fháil anseo.
• Is féidir le custaiméirí móibíleacha An Post tuilleadh eolais a fháil anseo.
• Cuirfidh gach soláthróir seirbhíse móibílí tús leis an bpróiseas scoir seo ina gcuid ama féin, agus cuirfidh soláthróirí a gcuid tomhaltóirí ar an eolas sula ndéanfar aon athruithe beartaithe dá gcuid seirbhísí. 

Céard a tharlóidh nuair a scoirfear 3G?  

Leanfaidh gléasanna móibíleacha níos sine nach féidir a nascadh ach le líonraí 3G agus 2G ag déanamh agus ag fáil glaonna gutháin thar líonra 2G, ach beidh tionchar ar sheirbhísí sonraí. Ciallaíonn sé seo go mbeidh an t-idirlíon (trí fheidhmchláir agus brabhsálaithe srl.) níos moille.   

Dóibh siúd le guthán cliste/gléas ar a bhfuil 4G nó 5G cumasaithe, ní dócha go gcuirfidh an t-athrú seo isteach orthu.  

D’fhéadfadh do sholáthraí guthán póca teagmháil a dhéanamh leat in am trátha chun a chur in iúl duit an mbeidh tionchar ort nó nach mbeidh agus céard iad na céimeanna is gá duit a ghlacadh. Ba cheart duit seiceáil le do sholáthraí guthán póca chun an scéal is déanaí a fháil maidir lena gcuid pleananna 3G a scor.  

Céard atá ag teacht in áit 3G?

Ciallaíonn scor na seirbhísí 3G go mbeidh níos mó acmhainní ag soláthróirí móibíleacha chun a gcuid líonraí 4G agus 5G a fheabhsú. Soláthraíonn 4G agus 5G araon luasanna idirlín níos tapúla, comhartha níos fearr agus seirbhís mhóibíleach fheabhsaithe do chustaiméirí.   

An gá dom gléas nua a fháil nó mo ghléas a uasghrádú?  

Má tá gléas níos sine in úsáid agat nach dtacaíonn le 4G nó 5G, seans go mbeidh ort gléas láimhe nua a fháil más mian leat leanúint ar aghaidh ag úsáid seirbhísí sonraí móibíleacha.   

Leanfaidh gléasanna níos sine ag tacú le seirbhísí sonraí ar an líonra 2G ach beidh luasanna sonraí i bhfad níos moille acu. D’fhéadfadh do sholáthraí guthán póca a bheith i dteagmháil le huasghrádú a thairiscint duit nó féadfaidh tú dul i dteagmháil leo le fáil amach céard is féidir leo a dhéanamh chun cabhrú leat.  

Gléasanna eile a bhféadfadh tionchar a bheith orthu  

Ní gléasanna móibíleacha amháin a mbeidh tionchar ag scor an líonra 3G orthu. Anseo tá roinnt cineálacha gléasanna liostaithe againn nach n-oibreoidh a thuilleadh tar éis scor 3G. Chun a chinntiú go leanfaidh do ghléas ag obair tar éis an phróisis céimnithe amach, nó chun féachaint an gá duit SIM a uasghrádú nó ceann nua a cheannach, molaimid duit do ghléas a sheiceáil nó dul i dteagmháil le do sholáthraí.   

Liosta de chineálacha eile gléasanna a bhféadfadh tionchar a bheith orthu (tugtha mar threoir amháin):  

• Úsáideann roinnt feithiclí líonraí 3G le haghaidh uasdátuithe agus cianchumarsáid. Seiceáil le do dhíoltóir áitiúil chun tuilleadh eolais a fháil. 
• Tá eolas foilsithe ag Tesla anseo. 
• Gléasanna aláraim chúraim a ndéantar monatóireacht orthu (brathadóirí titime, cumarsáidí, srl.)  
• Aláraim shlándála  
• Aláraim dhóiteáin  
• Teirminéil íocaíochta cárta díolphointe  
• Rianairí Fardail  
• Uaireadóirí cliste  
• Ríomhléitheoirí (Kindle, Nook, srl.)  
• Rianairí GPS (lena n-áirítear cinn do pheataí)  
• Gléasanna sábháilteachta  
• Geataí Leictreacha Uathoibrithe  
• Gnéithe/scairdeáin uisce  
• Córais teasa